A HISTORIA DE SANTIAGO APÓSTOL

Animámosvos a ver esta curta de debuxos animados na que se explica  a lenda de cómo chegaron os restos de Santiago Apóstol ata Santiago de Compostela, o nacemento da cidade e o comezo das peregrinacións ata Compostela.

 

LETRAS GALEGAS 2014: XOSÉ MARÍA DÍAZ CASTRO

.."Brincan da canteira ósos de pedra virxe, e óense os alentos,nenos e galos axoutados arrédanse e deixan pasar un río de pedras,tolean os martelos en días eternos e noites cegas…e medra amodiño na noite un feixe de colunas coma gorxas de pomba: non se fixo o Templo en tres días; que o home é breve e a noite é longa.

Pro medra coma a aurora tralos piñeiros, soño de beleza mostruosa masa de dogmas de pedra, seixo a seixo, a Nai de Compostela, e así quedou pá sempre, coa crista por riba do Tempo furando na néboa, a Catedral, a grande Galiña deitada no medio das leiras."

Xosé María Díaz Castro, "O berro das pedras"

* HOMENAXE DE DÍAZ CASTRO Á CATEDRAL DE SANTIAGO

"SAR, SARELA E OS MONSTROS DE COMPOSTELA"

Vós presentamos un conto moi divertido que ademáis vos axudará a coñecer un pouco máis a cidade de Santiago de Compostela. É da editorial OQO e conta as andainas de dous gatos que precisamente se chaman como os dous ríos que cruzan Compostela: Sar e Sarela.

O podedes atopar na feira do libro que se está a celebrar estes días en Santiago pero tamén na nosa  biblioteca "Lucho do Peto" para ler na propia biblioteca ou para levar a casa durante, xa sabedes, máximo 15 días.

A QUE ESPERADES....ESTAMOS SEGUROS DE QUE VOS ENCANTARÁ